Mga dapat at bawal kaininin ng mga bagong panganak na babae

Mga dapat at bawal kaininin ng mga bagong panganak na babae

Pabilisin ang iyong post-partum recovery sa pamamagitan ng mga pagkaing makakatulong sayo!

Narito ang mga bawal na pagkain sa bagong panganakna babae na maaaring makaapekto sa mabilis niyang recovery at pagbe-breastfeed kay baby.

Mga bawal na pagkain sa bagong panganak

Habang nagbubuntis ang isang babae ay maraming pagkain ang ipinagbabawal sa kaniya. Kaya naman ang panganganak ay hindi lang selebrasyon ng pagsilang ng kaniyang sanggol. Hudyat din ito para sa kaniya na maaari niya ng ulit kainin ang mga pagkaing iniwasan niya noong siya’y nagbubuntis pa. Pero ayon sa mga health expert, may mga pagkain pa rin siyang dapat iwasan. Lalo na kung siya ay nanganak sa pamamagitan ng cesarean delivery o kaya naman ay nangangak ng normal ngunit nagbe-breastfeed sa kaniyang baby.

bawal na pagkain sa bagong panganak

Image from Freepik

Sa kabuuan, ang babaeng bagong panganak ay hinihikayat na kumain ng lahat ng masusustansiyang pagkain. Maliban na lamang sa mga pagkaing maaaring makaapekto sa kaniyang milk supply. Sa recovery o healing ng kaniyang sugat o tahi sa panganganak. Ayon sa mga health resource at expert, ang mga pagkaing dapat iwasan ng mga babaeng bagong panganak ay ang sumusunod:

Mga pagkaing mahirap i-digest at maaaring magdulot ng constipation

Ang mga babaeng bagong panganak, CS man o hindi ay dapat umiwas sa mga pagkaing mahihirapang i-digest o tunawin ng kanilang tiyan. Upang hindi sila ma-constipate o mahirapang dumumi. Paraan din ito upang hindi sila masyadong umire sa pagdumi at upang maiwasang mapuwersa ang kanilang sugat o tahi.

Kaya naman mahalagang payo ng mga eksperto sa mga babaeng bagong panganak, kumain ng mga pagkaing rich in fiber. Tulad ng mga prutas at gulay na malambot at madaling tunawin ng tiyan. Iwasan ang mga processed food at junk food na hindi rin healthy para sa iyong katawan.

Mga pagkaing maaaring magdulot ng gas sa babaeng bagong panganak

Pero hindi lahat ng gulay ay maaaring agad na kainin ng mga babaeng bagong panganak. Dahil may mga gulay ang sinasabing gas-forming foods o nagdudulot ng gas sa ating tiyan. Ang mga ito ay dapat iwasan ng mga bagong panganak na breastfeeding mommies. Dahil ayon sa mga pag-aaral maaaring maging dahilan ito upang maging gassy at fussy ang kanilang newborn baby. Ang mga halimbawa ng gas-forming foods ay ang kale, spinach, beans, bawang, sibuyas at maanghang na pagkain. Ganoon rin ang mga carbonated drinks at mga processed foods.

bawal na pagkain sa bagong panganak

Image from Freepik

Mga pagkaing makakaapekto sa breastmilk supply ng bagong panganak na babae

Mahigpit ding ipinapayo sa mga babaeng bagong panganak, lalo na sa mga nagpapasuso na iwasan ang mga pagkaing makakapekto sa kanilang milk supply. Tulad ng kape at tsaa na nagtataglay ng diuretic properties na makakapekto sa pagpo-produce niya ng gatas. Maaari ring malipat kay baby ang mga properties nito na maaaring makaapekto sa kaniyang maayos na tulog. Ganoon din ang pag-inom ng alcohol na may harmful compounds na maaaring mapunta sa breastmilk at masuso ni baby.

May mga isda ring dapat iwasang kainin ang mga babaeng bagong panganak. Ito’y ang mga nagtataglay ng mataas na level ng mercury. Tulad ng swordfish, shark, king mackerel, at tilefish. Sapagkat ang mercury na taglay nito ay maaaring mapunta sa breastmilk ng babaeng bagong panganak; na maaring madede ng kaniyang sanggol at maaaring makaapekto sa cognitive o brain development ni baby.

Ayon naman kay Dr. Helen Tecson, isang OB-Gyne, wala naman talagang bawal kainin ang mga babaeng bagong panganak. Maliban nalang sa mga pagkain na allergic o may allergy sila.

Ang kaniyang advice sa kanila, kumain ng mga masusustansiyang pagkain na magpapalakas ng kanilang katawan.

“Generally, wala naman pong bawal na kainin except sa known food allergy ng bagong panganak. It is advisable to eat healthy foods, more vegetables esp the green leafy ones, less meat to avoid constipation, more fruits din po. Since on breastfeeding sila, it is encouraged to increase fluid intake.”

Ito ang pahayag ni Dr. Tecson.  At kaugnay sa kaniyang pahayag ay narito naman ang mga pagkaing dapat kainin ng mga babaeng bagong panganak.

Mga pagkaing dapat kainin ng mga babaeng bagong panganak

Mga pagkaing rich in protein para sa tissue repair

Para mapabilis naman ang recovery at maging maganda ang milk supply ng bagong panganak na babae, ipinapayong kumain siya ng pagkaing mayaman sa vitamins at minerals. Tulad ng mga pagkaing rich in protein na makakatulong para sa tissue repair ng mga sumailalim sa cesarean delivery. Ang mga halimbawa nito ay cottage cheese, chicken soup, at Greek yogurt na makakatulong sa mas mabilis na paghilom ng sugat. Upang ma-enhance ang balanse ng good bacteria sa katawan na makakatulong upang maiwasan ang mga post-surgical infections.

bawal na pagkain sa bagong panganak

Image from Freepik

Mga pagkaing rich in vitamin C at beta-carotene para sa mabilis na paghilom ng sugat at tahi

Para naman maiwasan ang pagpepeklat ng mga tahi at sugat, ipinapayong kumain ng mga pagkaing rich in vitamin C, beta-carotene at zinc ang mga babaeng bagong panganak. Ang vitamin C ay nakakatulong sa formation ng collagen na nagre-restore ng healthy cells sa balat. Ang mga pagkaing rich in vitamin C ay ang strawberries at citrus fruits tulad ng oranges.

Upang mapalakas ang immune system at matulungan ang skin tissue na mapabilis ang healing process nito, ay dapat kumain ng mga pagkaing rich in beta-carotene at zinc ang mga bagong panganak na babae. Ang mga pagkaing rich in beta-carotene ay ang carrots, sweet potatoes, seafood at red meat.

Mga pagkaing makakapag-boost ng kanilang energy level

Dapat ding kumain ng mga pagkain makakapag-boost ng kanilang energy level ang mga babaeng bagong panganak. Bagama’t dapat nilang iwasan ang mga processed at sugary foods na maaaring magbigay sa kanila ng energy na panandalian lamang. Ang mga superfoods na magbibigay ng dagdag energy sa katawan ay ang chia seeds at itlog.

bawal na pagkain sa bagong panganak

Image from Freepik

Mga pagkaing makakatulong na makaiwas sa constipation at mapalakas ang milk supply ng bagong panganak na babae.

Para maiwasan ang constipation ay dapat kumain ang bagong panganak na babae ng mga pagkaing rich in fiber. Tulad ng leafy greens, legumes at oatmeal na mabilis tunawin ng tiyan. Makakatulong din ang pag-inom ng maraming tubig at pagkain ng mga masasabaw na pagkain para maiwasan ang constipation at ma-improve ang kaniyang breastmilk supply.

Ilan lamang ang mga nabanggit sa mga dapat kainin at bawal na pagkain sa bagong panganakna babae. Tandaan ang mga nabanggit sa artikulong ito ay gabay lamang. Para makasigurado na ligtas ang mga pagkaing kakainin mo para sa ‘yo ay mas mabuting kumonsulta sa iyong doktor. Dahil sila ang mas nakakaalam sa mga pagkaing angkop sayo at sa kalusugan ng baby mo.

Source:

WebMD, Apptiv, Healthy Pages

BASAHIN:

Mga dapat gawin upang maiwasang ma-cesarean sa panganganak

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner