#AskAtty: Ano ang mga ebidensiyang kailangan para makapagsampa ng kasong paninirang puri?

#AskAtty: Ano ang mga ebidensiyang kailangan para makapagsampa ng kasong paninirang puri?

Kailan puwedeng magsampa ng kaso sa paninirang puri, o kung tawagin ay libel o slander? At anu-ano ang mga ebidensyang kinakailangan para dito?

Mayroon bang kaso sa paninirang puri?

Ang defamation ay paninirang puri sa reputasyon at karakter ng isang tao. Ito ay libel kung nakasulat, at slander kung pasalita o sinabi (verbal). Sa ilalim ng Article 358 ng Revised Penal Code, maaaring makulong ang nagkasala ng defamation.

Paliwanag ni Atty. Ramon delas Alas, libel man o slander, kailangang may “publication”—o naisulat ang paninirang puri at may nakabasa nito maliban sa taong sinisiraan. “Ang taong nakabasa ang siyang magiging witness at ang statement niya ang pangunahing ebidensiya na kailangan,” dagdag ni Atty. Delas Alas. Tandaan din na sa ilalim ng batas, ang slander o oral defamation at libel ay magkaibang krimen, at may magkaibang parusa.

Kailan puwedeng magsampa ng kaso ng libel o slander? Ano ang mga ebidensiyang kailangan?

kaso-sa-paninirang-puri

Paninirang puri law | Image from Unsplash

Mga ebidensiyang kailangan para makapag-sampa ng kaso o law sa paninirang-puri

Para mapatunayan ang prima facie defamation at makapagsampa ng kaso sa paninirang puri, ang isang plaintiff ay dapat magpakita ng 4 na sumusunod na bagay:

1) isang false statement o maling salaysay, sinungaling o walang katotohanang pahayag na ipinahatid na totoo;
2) isang publication o komunikasyon ng isang salaysay sa isa pang tao o third person;
3) kasalanan o sala na naging sanhi ng kapabayaan
4) damages o pinsala na naidulot sa plaintiff, na siyang paksa ng statement o salaysay.

Para maituring na ito ay kaso sa paninirang puri, dapat ang paninira ay sinabi ng pasalita, sa publiko o higit sa isang tao, at may malisya, at patungkol sa isang taong nabubuhay, na maaaring maging sanhi ng pagkasira ng kaniyang pangalan at reputasyon. Lahat ito ay dapat na may ebidensiya. Ngayon, nagagamit ang mga post sa social media bilang ebidensiya, halimbawa, pero ito ay dapat na mapatunayan sa pamamagitan din ng mga testigo na nakakita nito.

Ano ang Article 360 ng Revised Penal Code?

Dagdag pa ni Atty. Delas Alas, kung ito ay oral o pasalita, dapat ay may testigo ding nakarinig ng paninirang puri. Siya ay tatayong testigo sa korte. Ang testigo na ito ay malaki at may importanteng ganap sa kaso.

kaso-sa-paninirang-puri

Paninirang puri law | Image from Freepik

Sa ilalim ng Article 360 ng Revised Penal Code, na sinusugan ng Republic Act bilang 1289, ang sinumang mag-lathala o magpakalat ng paninirang puri ay dapat ding managot sa batas. Kasama dito ang may akda at editor ng isang libro o pamphlet na nagpahayag ng paninirang puri; pati na pahayagan o magazine kung saan inilathala ang paninirang puri ay may responsibilidad na dapat panagutan. Masasampahan din sila ng kaso sa paninirang puri.

Nagiging mabigat ang kaso ng slander (grave slander), depende sa kanilang:
(1) ginamit na mga salita;
(2) personal na relasyon ng akusado at kaniyang nasaktan na tao; at
(3) mga pangyayari o special circumstances ng kaso, pati na ang mga ebidensiya na magpapatunay at magpapakita ng intensiyon ng akusado laban sa plaintiff (nagsampa ng kaso na Siyang biktima ng paninirang puri) sa panahon ng paggawa ng krimen.

kaso-sa-paninirang-puri

Paninirang puri law | Image from Freepik

Ano ang dalawang uri ng Slander?

May dalawang uri ng slander: ito ang simple at grave.

Kung ang slander ay nangyari sanhi ng galit o init ng ulo ng akusado, at may ganting paghahamon o pagbabanta ng pananakit ang nag-aakusa o biktima ng slander, ito ay itinuturing na simple slander, at hindi mabigat ang parusa.

Kung seryoso at malubha ang ginawang paninirang puri, at walang galit o iginanti ang biktima ng slander, na nakakasira ng reputasyon, ito ay grave slander. May hiwalay pang kaso ng paninirang puri kung may kasamang pananakit sa plaintiff o nag-aakusa. Ito ay tinatawag na slander by deed (ayon sa Article 359 ng Revised Penal Code).

Ang simple slander na may mababang parusa, at ang grave slander ay may mataas na parusa.

 

Source:

Atty. Ramon delas Alas, attorney-at-law,

De  Leon v. People, G.R. No. 212623, January 11, 2016, 779 SCRA 84

Basahin:

#AskAtty: Puwede bang kasuhan kapag iniwanan ka ng nakabuntis sa’yo?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner