Paano mapakain ng gulay ang batang pihikan sa pagkain?

lead image

Anong puwedeng gawin kapag mahirap pakainin ang bata? Ayon sa isang pag-aaral, hindi lang ang lasa ang nakaka-epekto sa kagustuhan nilang kumain.

Bakit nga ba mahirap pakainin ang bata, mas lalo na kung gulay ang ulam? Hindi ka nag-iisa, mommy. Karamihan ng magulang ay pangunahing problema ito sa hapagkainan.

Sa artikulong ito, mabibigyang solusyon na ang madalas na hirap na iyong nararanasan para makumbinsing kumain ang pihikan mong anak. Ayon sa isang pag-aaral, ang paraan ng paghahain ay maaaring makaapekto sa gana ng iyong anak para kumain. Bukod dito, mahalaga rin na malaman na iba-iba ang paraan ng paghain para sa anak na babae at anak na lalaki. Narito ang ilang napag-alaman sa pag-aaral at ilang tips para maiwasan ang pagtanggi ng mga anak na kumain.

src=https://sg admin.theasianparent.com/wp content/uploads/sites/12/2018/09/chinesedad.jpg Paano mapakain ng gulay ang batang pihikan sa pagkain?

Ayon sa siyensya, ang paraan ng paghain ng pagkain ay lubos na nakaka-apekto sa gana ng bata na kainin ang pagkain.

Ang food presentation ay maaaring makuha ang atensiyon ng inyong anak para kumain ng gulay.

Ayon sa resulta ng isang bagong pag-aaral na nailathala sa Journal of Sensory Studies, magkaiba ang interes ng batang lalaki at batang babae sa mga pagkain base sa paraan ng pagkakaayos nito.

Layon ng pag-aaral na alamin kung paano magugustuhan ng mga bata ang pagkain base sa kung paano ito inihain, at kung may tuwirang epekto ito base sa kasaraian ng mga bata.

Ayon kay Annemarie Olsen, awtor ng naturang pag-aaral, alam niya na may epekto ang paraan ng paghain ng pagkain sa mga bata. Ngunit aniya, ito ay base lamang sa mga kuwento ng mga magulang.

Inamin din niya na, “Walang sapat ba ebisdensiya o pag-aaral kung paano pinipili ng mga bata ang kanilang kakainin.” Napakaimportante umano kung matuklasan na may siyentipikong paraan para alamin ang mga kagustuhan ng mga bata dahil, “Gusto nating kumain ng masusutansiyang gulay at iba pang mga pagkain ang ating mga anak,” sabi ni Olsen.

Paano isinagawa ang pag-aaral

Para sa pag-aaral, nag-recruit ang scientists ng 100 batang estudyante na may edad na pito hanggang walong taong gulang, at 12 to 14 taong gulang. Pagkatapos nito, sinabihan sila ng researchers na ayusin ang larawan ng anim na iba’t ibang pagkain depende sa kanilang kagustuhan. Ang mga pagkain ang makikita sa pamamagitan ng mga ito:

  • ang bawat sangkap o ingredients ay magkakalayo sa isa’t isa.
  • ang pagkain ay maaaring may isolated ingredients at may ingredients naman na magkakasama.
  • Ang ingredients ay hinalo para maging isang smooth mixture.

Sa pamamagitan ng pag-ayos ng mga larawan ng pagkain base sa kung paano nagustuhan ang mga ito, nalaman ng scientists kung aling paraan ng pagkakahain ang pinakanagustuhan ng mga bata at kung alin ang hindi.

Paano pakakainin ang mga bata kung ayaw nila

Isa sa mga paraan para makumbinsi ang mga bata na kumain ng mga prutas at gulay ay ihain ito sa maliliit na piraso.

Makatutulong din kung madali para sa mga bata ang makuha ang mga pagkain.

Ayon sa pag-aaral, may isa pang mahalagang punto: ang paraan ng paghain ng pagkain ang maaaring makadagdag sa gana ng mga bata para kumain.

“Kaugnay nito, mahalaga ring malaman kung may kailangang baguhin sa pag-aayos ng mga pagkain sa plato,” dagdag ni Olsen.

Ayon sa resulta ng pag-aaral:

  • ang mga batang babaeng nasa edad na pito hanggang walong taong gulang ay mas gusto na magkakahiwalay ang pagkakahain ng mga pagkain.
  • ang mga lalaking nasa edad na pito hanggang walong taon hindi apektado sa paraan ng paghain ng pagkain.
  • ang mga mas nakatatandang bata na nasa edad na 12 hanggang 14 na taon nagpakita ng interes sa dalawang paraan ng pagkakahain ng pagkain:
      • lahat ng mga sangkap ay pinaghalu-halo.
      • o may mga kombinasyon ng mga sangkap na magkakasama at inihalo sa kanilang pagkain.

Ayon kay Olsen, ipinapakita ng mga resultang ito na para mga batang nasa pito at walong taong gulang, mahalagang ihain ng mga magulang ang mga pagkain na magkakahiwalay sa plato.

“Sa ganitong paraan, maaaring paghalu-haluin ng bata ang mga pagkain depende sa kanilang kagustuhan, hindi tulad ng kung magkakasama na ang mga ito,” paliwanag ni Annemarie.

 

src=https://sg admin.theasianparent.com/wp content/uploads/sites/12/2016/08/healthy meals for kids 2.jpg Paano mapakain ng gulay ang batang pihikan sa pagkain?

Kapag magkakahalo ang pagkain, mas hindi interesado ang mga bata. | Image source: stock photo

Iba pang tips para mahikayat na kumain ang pihikang mga bata

Sa aming nakaraang artikulo, nabanggit namin ang limang tips para hikayatin ang mga pihikang bata para kumain.

 

  • Maging creative. Hiwain ang mga pagkain sa magkakaibang hugis at hayaan ang inyong anak na maging pamilyar sa iba’t ibang uri ng pagkain sa pamamagitan ng paghawak sa mga ito. Maigi rin kung mukhang masarap ang pagkain kaysa sa tunay na lasa nito para makumbinsi ang inyong anak.
  • Ihalo sa ibang pagkain ang mga hindi nila gusto. Isang halimbawa ay paghalo ng iba’t ibang uri ng gulay sa patties at meatballs na paborito ng inyong anak. Kung may ayaw kainin ang inyong anak, mag-isip ng ibang paraan kung paano ito lulutuin.
  • Isama ang inyong anak sa paghahanda ng pagkain. Ang pagtatanim ng mga sangkap na gagamitin at pagluluto ng mga ito ay nagbibigay ng kakaibang satisfaction. Ipakita sa inyong anak kung paano magtanim ng mga gulay para magustuhan niya ito.
  • Maging matiyaga at huwag pilitin ang bata. Ipakita sa bata ang iba’t ibang uri ng pagkain nang hindi sila pinipilit. Subukan ding maghain ng iba’t ibang uri ng pagkain kasama ng mga gusto ng inyong anak para makita kung kakainin din niya ito—huwag silang pipilitin na kainin ang mga ito.
  • Kausapin ang inyong anak upang ipaliwanag ang iba pang aspeto ng pagkain, maliban sa lasa nito. Hikayatin ang inyong anak sa pamamagitan ng pagpapaliwanag ng kulay, hugis, at tekstura ng pagkain—kahit hindi ito masarap. Ang pagbibigay ng atensyon sa mga ito, maaaring maisip ng bata na malinamnam ang pagkain.

References: Economic Times