Bakit mahalagang bantayan ang foetal movements o paggalaw ng sanggol sa loob ng sinapupunan?

Bakit mahalagang bantayan ang foetal movements o paggalaw ng sanggol sa loob ng sinapupunan?

Narito kung paano malalaman kung malusog at healthy ang sanggol sa sinapupunan ng isang buntis.

Paano malalaman kung patay na ang bata sa tiyan? Ang pangunahing paraan ay ang pagbilang sa paggalaw at pag-sipa nito sa sinapupunan.

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan, at napapanahon, ngunit, hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.

paano malalaman kung patay na ang bata sa tiyan

Image from Pexels

Paano malalaman kung patay na ang bata sa tiyan

Ang inaakalang masayang araw na pagdating ng kanilang munting anghel ay siyang magiging pinakamasakit at malungkot na araw pala sa kanilang buhay. Dahil, hindi pa man nailalabas mula sa tiyan ng kaniyang ina, ang sanggol nawalan na ng buhay dahil sa pagpapabaya.

Ito ang reklamo ng isang netizen na si Riselle Joy Asahan tungkol sa kaniyang panganganak.

Kwento ni Richelle sa kaniyang Facebook post, August 31 ng unang beses nilang dalhin ang kaniyang Ate sa ospital dahil sa dinudugo na ito. Ngunit, dahil 2cm palang ito ay pinayuhan muna silang umuwi at mag-hintay ng iba pang palatandaan ng panganganak.

Lumipas ang ilang araw, September 3 ay muli nilang ibinalik ito sa ospital dahil sa reklamo nitong sobrang pananakit ng tiyan. Sa pagkakataong ito ay 4cm palang ang kaniyang Ate kaya naman hindi pa ito inendorse sa delivery room. Sa halip ay pina-ultrasound muna ang kaniyang tiyan para masigurong ok pa ang kaniyang baby saka sila muling pinauwi.

Kinabukasan ay pumutok na ang panubigan ng kaniyang Ate, kaya naman dali-dali na silang dinala ito sa ospital ng bandang 11:30am. Itinakbo naman agad ito sa ER ngunit dahil sa 7cm palang ay pinaghintay muli ito.

Pagpapabayang nauwi sa pagkasawi ng sanggol

Bandang alas-dose ay nararamdaman pa umano ng kaniyang Ate na gumagalaw pa ang baby sa kaniyang tiyan. Nagmakaawa narin ito sa mga nurse na paanakin na siya kahit ma-CS pa, pero sa halip na tulungan ay pinagalitan at pinagsabihan pa daw sila na huwag magmadali.

Bukod dito, hindi rin basta-basta maaaring sumailalim sa CS ang mga ina, at kinakailangan na may mga kondisyon na sinusunod ang ospital bago ito isagawa. 

Alas dos ng hapon ay hindi na nararamdaman ng kaniyang Ate ang paggalaw ng sanggol sa kaniyang tiyan. Dito siya muling nakiusap sa mga nurse na tingnan ang heartbeat ng kaniyang anak kung nasa ayos pa ba. Nang tingnan ay mababa na kumpara sa normal ang heartbeat ng sanggol. Dito palang sinimulang asikasuhin ang buntis para makapanganak pero huli na ang lahat. Wala ng buhay ang sanggol na nasa sinapupunan niya.

Sa kaso ng Ate ni Riselle ay masasabing ang mga tauhan ng ospital ang nagkaroon ng pagkukulang sa pagbibigay ng kaukulang atensyon na kailangan niya sa panganganak. Lalo pa’t naramdaman niya pa ang pagsipa nito ilang oras bago ito isilang.

Ngunit, sa ilang mga pagkakataon, may mga kaso ng mga sanggol ang namamatay sa sa loob ng sinapupunan ng kaniyang ina ng hindi nito nalalaman.

Para maiwasan ito ay dapat malaman ng isang ina kung paano malaman kung patay na ang bata sa tiyan niya. Ito ay naisasagawa sa pamamagitan ng pagbilang ng bawat paggalaw at sipa ng sanggol sa loob ng sinapupunan ng kaniyang ina.

Foetal movements ng sanggol

Ang foetal movements o ang paggalaw ng baby sa loob ng tiyan ang isa sa pangunahing paraan para matukoy kung buhay pa o hindi na ang baby sa sinapupunan.

Para ma-check ang foetal movements ng iyong sanggol ay gawin ito sa oras na mapapansin mong pinaka-active ang iyong baby. Madalas ito ay tuwing matapos kumain o kapag nakahiga na sa gabi.

Mahiga o maupo ng komportable saka bilangin ang bawat sipa o paggalaw ng iyong baby sa tiyan. Dapat sa loob ng dalawang oras ay hindi bababa sa sampu ang sipa o paggalaw na ginagawa ng iyong sanggol. Kung mababa sa sampu o nararamdaman mong mas humihina pa ang paggalaw ng iyong sanggol sa pagdaan ng araw ay mas mabuting pumunta at makipag-usap na agad sa iyong doktor.

Maliban sa foetal movements, dapat din laging chinecheck ang timbang, heartbeat at sukat ng tiyan ng isang buntis. Dahil ito ang batayan kung lumalaki ba ng tama at malusog ang sanggol sa loob ng kaniyang tiyan.

Napakahalaga ng papel na ginagampanan ng isang ina sa pagbibigay buhay sa dinadala niyang sanggol. Ganoon din ang pagbabantay sa bawat paggalaw nito upang masiguro na ito ay buhay at malusog sa loob ng kaniyang tiyan. Sa oras na may naramdamang kakaiba o hindi normal sa iyong pagbubuntis ay huwag magdalawang-isip na lumapit sa mga taong maaring makatulong sayo tulad ng iyong doktor o midwife. Ito ay para matingnan at masigurado ang kalagayan at kaligtasan ng iyong sanggol.

Source: WebMD, KidSpot, Lifealth

Photo: Pexels

Basahin: STUDY: Ganitong oras nagiging active si baby sa loob ng tiyan ni mommy

 

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner