Delikado ba ang pagtatae ng baby ng kulay dilaw na poop?
Meal time at pagpapalit ng diaper, ito na ata ang pangunahing concern ng mga magulang. Likas na kasi sa mga sanggol ang laging gutom. Ngunit ‘wag mag-aalala kung laging naghahanap ng gatas ang iyong anak, isa itong senyales na lumalaking malusog si baby.
Mababasa sa artikulong ito:
- Ano ang dahilan ng pagtatae ng baby?
- Sanhi ng pagtatae ng baby
- Gamot sa diarrhea ni baby
Ang hindi maganda sa kanilang health? Ito ay ang kulay dilaw at matubig na kanilang dumi.
Ang kulay dilaw na dumi na ito na sinamahan ng tubig ay isang senyales ng infection o allergy ng isang sanggol. Kung sakaling naglabas ng ganitong klaseng poop ang iyong anak, mabuting dalhin agad siya sa doktor lalo na kung hindi ito tumigil.
‘Wag masyadong ma-stress moms! May ilan pa namang bagay ang iyong magagawa para makaiwas sa ganitong kondisyon. Narito ang guide kung sakaling kulay yellow ang pagtatae ng baby.
Ano ang ibig sabihin kapag kulay dilaw ang dumi ni baby? | Image from Dreamstime
Pagtatae ng baby ng kulay dilaw na dumi: Bakit ito nangyayari?
Kung ipagkukumpara, mas malambot ang dumi ng mga sanggol kaysa sa matatanda at bata. Sa katotohanan, ang mga sanggol na pinapainom ng gatas ng ina ay mas malambot ang kanilang dumi kumpara sa formula-fed babies.
Subalit minsan, may pagkakataon talaga na ang kanilang dumi ay sobrang lambot o tila tubig na. Samahan pa ng pagiging marami nito na hindi normal para sa kanila. Narito ang ibang mga senyales kasama ng pagtatae ng baby ng kulay dilaw:
- Walang luha kapag umiiyak
- Tuyong bibig
- Pagkakaroon ng dry skin na tila nababanat
- Pagiging iritable
- Pagkawala ng gana
- Madalas na pag-iyak
Mapapansin mo rin ang pagsusuka, mataas na lagnat at pagkakaroon ng dugo sa kanilang dumi. Minsan pa ay nagbabago ang kulay nito ng hindi inaasahan.
Samahan pa ng pananakit ng kanilang tiyan. Nararanasan ito ng mga sanggol under six months. Nakabase sa kondisyon ng baby ang kanilang makukuhang treatment.
BASAHIN:
11 Pagkain na makakatulong para sa constipation ni baby
9 na maduduming bagay na araw-araw hinahawakan ng anak mo
#AskDok: Totoo bang kapag nag-ngingipin ang bata ay magkakaroon ito ng diarrhea?
Pangkaraniwan sa mga sanggol ang kulay dilaw na dumi. Narito ang kanilang apat na uri:
- Mild diarrhea. Ito ay kapag dumumi ng tatlo hanggang limang beses ang iyong anak sa loob ng isang araw.
- Moderate diarrhea. Ito ay kapag dumumi ng anim hanggang siyam na beses ang iyong anak sa loob ng isang araw.
- Severe diarrhea. Ito ay kapag dumumi ng lagpas sampung beses ang iyong anak sa isang araw.
Subalit bakit nga ba ito nangyayari? Alamin natin.
Pagtatae ng baby: Mga sanhi nito
Maraming bagay ang nakakapagpalala ng diarrhea ng mga sanggol. Narito ang ilan sa kanila:
- Infections. Pasok sa usaping ito ang bacteria, virus at parasite sa katawan ng iyong baby. Nakukuha ito ng isang sanggol kapag aksidente niyang isinubo ang maruming bagay sa loob ng bahay. Puwede rin na puno ng germs ang kaniyang kamay at hilig na niya itong isubo.
- Allergy. Nagkakaroon din ng allergic reaction ang mga sanggol sa kinakain nilang pagkain o gamot. Maaari ring siya ay lactose intolerant.
- Pagkalason. May pagkakataon ding nalalason ang sanggol sa mga kemikal o artipisyal na kulay ng kanilang kinakain.
Ano ang ibig sabihin kapag kulay dilaw ang dumi ni baby? | Image from iStock
Gaano katagal ang diarrhea ni baby?
Iba-iba ang process ng reaction at recovery ng bawat sanggol. Subalit tumatagal ng isa hanggang dalawang araw ang pagtatae ng isang sanggol kung ito ay malala.
Malalaman mong bumubuti na si baby kapag bumabalik na sa dati ang itsura ng kaniyang dumi.
Kung ang sanggol naman ay may viral diarrhea, ito ay tumatagal ng apat na araw.
Gamot sa pagtatae ni baby
Karamihan sa mga sanggol na mayroong diarrhea ay gumagaling nang walang gamot. Iniiwasan ng mga doktor na bigyan sila ng gamot kung hindi naman kailangan.
Subalit narito ang mga abisong maaaring marinig mo sa iyong doktor:
- Antibiotics para sa viral at bacterial infection.
- Kailangan ng IV drip ng mga sanggol na mayroong malalang pagtatae at dehydrated.
- Oral rehydration sa mga sanggol na nagtatae.
- Pagbabago ng diet ng nanay na nagpapasuso.
Handy guide
Ano ang ibig sabihin kapag kulay dilaw ang dumi ni baby? | Image from iStock
Kailangang malaman ng mga magulang ang pinagmulan, sintomas at gamot sa pagtatae ng kanilang baby.
Narito ang ilang tips na makakatulong upang makaiwas sa kondisyong ito:
- Fluids. Mahalaga ang tubig sa katawan ngunit para sa kondisyong ito, mas makakatulong ang fluid sa iyong baby. Katulad na lamang ng breastmilk.
- Iwasan ang mga juice. ‘Wag munang uminom ng mga juice dahil mataas ang nilalaman nitong sugar na maaaring makadagdag lang sa kondisyon ni baby.
- Pagpapalit ng diaper. Sa panahong ito, prone sa diaper rash si baby. Palitan lagi ito ng diaper at gumamit ng barrier cream o petroleum jelly para makaiwas dito. Marahan ding punasan ang puwit ni baby kapag papalitan ng diaper.
- Paginhawain si baby. Ang madalas na pagpunas sa iyong babay ay magdudulot lamang ng pressure rito. Hayaang pahanginan ng sandali si baby kapag papalitan ng diaper.
- Sterilise. Sa oras na ito, mahalaga ang madalas na pagpapasuso kay baby. Para sa mga bottle-fed babies, kailangan i-sterilise ng sampung minuto ang boteng ginagamit nila.
- Panatilihin ang kalinisan. Sensitibo ang iyong baby sa oras na ito. Kaya naman siguraduhin na malinis lagi ang kamay ng sanggol. ‘Wag ding kakalimutang maghugas ng kamay kapag hahawakan sila.
Mahalagang paalala
Hindi naman nakababahala ang ganitong klaseng sakit at maayos pa rin kahit nasa bahay lang. Ngunit dapat ay may gabay ng doktor. Ang parating iniiwasan ay ang ma-dehydrate ang bata na maaaring maging sanhi ng pagkamatay mas lalo na sa mga maliliit na sanggol.
Panatilihin ang malinis na kapaligiran sa loob ng bahay. Tandaan, ‘wag mag atubiling magpatingin sa doktor kung may napansing kakaiba sa iyong anak.
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.
Isinalin sa Filipino nang mayroong pahintulot mula sa The Asian Parent Singapore
