8 na maling paniniwala sa pag-aalaga sa baby, ayon sa doktor

8 na maling paniniwala sa pag-aalaga sa baby, ayon sa doktor

Maraming pamahiin sa bagong panganak na sanggol ang pinaniniwalaan ng mga magulang hanggang ngayon. Ngunit ayon sa isang doctor, kailangan na itong tigilan. | Lead image from Unsplash

Likas na sa ating mga Pilipino ang maging maingat lalo na sa mga myth. Kaya nga mayroon tayong mga pamahiin sa bagong panganak na sanggol na hindi maiwasang sundin na lang.

8 paniniwala at pamahiin sa bagong panganak na sanggol na kailangan mong tigilan na

Kapag buntis ang babae, marami na ang ibinibigay sa kaniyang kung anu-anong paalala at payo habang siya’y nagbubuntis. Nandiyan ang, kapag kumain ka ng kambal na saging magiging kambal rin ang anak mo. Malamang ay mayroon din na paniniwala o pamahiin sa bagong panganak na sanggol.

Sensitibo ang mga Pinay mom dito at halos lahat sinusunod nila dahil takot sila sa maaaring maging consequence. Subalit ayon sa isang general pediatrician na si Dr. Blair Hammond at developmental psychologist na si Dr. Aliza Pressman, hindi dapat paniwalaan ito ng todo.

pamahiin sa bagong panganak na sanggol

Pamahiin sa bagong panganak na sanggol | Image from Unsplash

1. May nararamdamang kakaiba si baby kapag ito ay sobra-sobrang umiyak

Ayon kay Dr. Blair Hammond, normal sa isang sanggol ang maging maselan sa una nitong mga araw. Kapag ang iyong anak ay umiyak, sila ay maaaring gutom, nais dumumi, may sakit o umihi.

Kapag umaabot ng tatlong oras na umiiyak ang iyong anak na walang tigil, ito ay maaaring may infant colic. Kung siya ay hindi mapatahan ng nanay o tagapag-alaga, tumawag na agad sa iyong pediatrician kung alam mong may kakaiba na.

2. Makakatulong ang walker sa paglalakad

Hindi nirerekomenda ng mga doktor ang paggamit ng walker sa mga bata bilang training ng paglalakad. Marami ang naitalang pag-aaral na ang mga batang gumagamit ng walker ay matagal makapaglakad kumpara sa mga ibang hindi gumagamit. Maaari rin itong maging banta sa kaligtasan ng iyong anak. Kapag gumagamit ng walker ang isang bata, maaaring ito’y mahulog sa hagdan o gawing patungan para maabot ang isang delikadong bagay katulad ng kutsilyo, ballpen o iba pa.

Mas makabubuti kung sanayin sa natural na paglalakad ang iyong mga anak.

3. Tinutubuan ng ngipin ang isang batang nilalagnat

Ito ang karaniwang pinaniniwalaan ng ating mga magulang kapag biglang nilagnat ang kanilang anak. Ang pagtubo ng ngipin ay hindi dahilan ng discomfort ng bata. Ang mga batang nasa phase na ng pag-ngingipin ay maaaring hindi makakain ng maayos at maging maselan.

pamahiin sa bagong panganak na sanggol

Pamahiin sa bagong panganak na sanggol | Image from Unsplash

4. Magiging spoiled ang baby kapag laging bunubuhat

Iniiwasang buhatin lagi ng mga magulang ang kanilang anak na umiiyak dahil sa takot na silang lumaki itong spoiled. Ito ang kanilang pinaniniwalaan. Subalit para sa mga doktor, ito’y walang katotohanan.

5. Matalino ang mga batang unang maglakad at magsalita

Sino ba namang hindi maa-amaze kapag bigla na lang magsalita ng mama at papa ang iyong anak sa unang mga buwan nito? Kaya naman iisipin nating lahat na posibleng maging matalino ang iyong anak kapag maaaga siyang nakapagsalita o nakapaglakad.

Tandaan lamang na ang paglaki at development ng mga bata ay iba-iba at hindi sabay-sabay. Kaya naman maaaring maging matalino pa rin kahit na huli itong magsalita o maglakad.

Subalit bantayan pa rin ang motor delay sa iyong anak dahil maaaring maging sanhi ito ng mas seryoso at komplikadyong dahilan.

pamahiin sa bagong panganak na sanggol

Pamahiin sa bagong panganak na sanggol | Image from Unsplash

6. Bawal gisingin ang batang natutulog

Ayon kay Dr. Hammond, likas na antukin ang mga bata sa unang linggo nila ngunit kailangan nilang mabigyan ng sapat na gatas para sa kanilang mabilis na paglaki at development.

7. Makakatulong ang honey sa pacifier para sa ngipin ni baby

Delikado ang bigyan ng honey ang isang bata dahil sila ay maaaring magkaroon ng infant botulism. Isa itong seryoso at nakakabahalang sitwasyon na dapat ay tandaan ng mga magulang.

8. Kapag mahaba ang iyong baby, siya ay magiging matangkad

Ayon kay Dr. Hammond at Dr. Pressman ang paniniwalang ito ay walang kasiguraduhan. Ang dapat tingnan na posibilidad ay ang height ng mga magulang ng bata. Kung pareho silang matangkad, mataas ang tiyansa na maaaring maging matangkad din ang kanilang anak. Ngunit depende pa rin ito sa puberty nila.

 

Source:

Insider

BASAHIN:

Safe bang uminom ng antibiotic at iba pang gamot ang breastfeeding mom?

STUDY: Mababa ang chance na magkaroon ng baby boy ang mga nakaranas ng stressful pregnancy

Totoo bang mahihirapan matulog mag-isa ang anak ko kapag nasanay siya sa bed sharing?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Mach Marciano

Article Stories
app info
get app banner