Safe bang patulugin ang baby nang nakadapa?

lead image

Ano ang tamang posisyon ng pagtulog ng baby? Safe ba kung nakadapa siya matulog? Tila mas mahimbing ang tulog niya kapag nasa ganitong posisyon.

Hindi ba't may ginhawang nararamdaman kapag napatulog mo si baby? Pagkatapos ng mahaba-habang ritwal sa pagpapatulog, sa wakas ay mahimbing na siya. Ang anak ko ay mahilig matulog ng nakadapa, kaya naman naisipan namin na magbasa ng mga artikulo at libro tungkol sa ganitong posisyon ng pagtulog ng baby.

Posisyon ng Pagtulog ng Baby: Ang mga dapat malaman ng mga magulang

Ang mga unang buwan ay mahalaga pagdating sa posisyon sa pagtulog. Ang pinakaimportante ay ang malaman—at sundin ang mga sumusunod na guideline para sa ligtas na pagtulog.

Sa mga unang taon ni baby, narito ang mga dapat tandaan:

  1. Ang kama ay dapat na patag at walang bumper pads, dahil maaaring maging sanhi ng "suffocation".
  2. Patulugin si baby ng nakatihaya muna. Kung siya mismo ang dadapa, hayaan lang.
  3. Ang kama ay dapat nasa kuwarto ng mga magulang, pero ang bata ay hindi dapat matulog sa kama ng mga magulang.
  4. Wala dapat ang mga sumusunod sa higaan o paligid ng bata:  soft toys, mobile hangings, unan, kumot.

Habang lumalaki ang bata, mahihilig silang dumapa kahit walang tulong. Kaya ang rule #2 ay magiging mahirap na gawin, lalo sa edad na 4 na buwan. Madalas ay gugustuhin na niyang matulog kaagad ng nakadapa. Ganito man ang sitwasyon, pilitin na lang hangga't maaari na patulugin pa rin muna ng nakahiga, bago tuluyang dumapa.

Kaya nga minsan ay hindi makatulog ang mga magulang at tagapag-alaga dahil nga mahilig matulog ang bata sa isang "hindi ligtas" na posisyon.

May mga teorya  kung bakit mahilig na matulog ng padapa hindi lang ang mga bata kundi mga matanda rin.

Bakit nga ba mahilig matulog ng nakadapa ang mga bata?

src=https://sg admin.theasianparent.com/wp content/uploads/sites/12/2018/08/babies sleeping positions 1.jpg Safe bang patulugin ang baby nang nakadapa?

Ang pagtulog ng nakadapa ay cute pa rin namang tingnan, hind ba? Ang mga baby lang naman ang sadyang nakakatuwa kapag nakatuwad at nakaumbok ang puwit habang tulog.

Maniniwala ba kayong ang dahilan ng ganitong posisyon sa pagtulog ay nagmula sa ebolusyon?

Bago pa natutong maglakad ang tao, tulad din ng mga hayop, gamit natin ang "all fours"—dalawang kamay at dalawang binti (o tuhod), sa umpisa. Kaya naman ang mga hayop ay may matibay na likod at malambot na tiyan. Kaya ang tiyan ang karaniwang inaatake ng mga kalaban ding hayop.

At para protektahan ang sarili kapag tulog, animo'y itinatago nila ang kanilang tiyan. Para sa mga humans, ang muscles sa likod ang mas matibay kaysa sa  abdominal muscles. Kaya instinct na rin ang pagtulog ng naka "fetal position" at nakadapa, at likod ang naka-expose.

Ganundin ang mga babies. Sanay sila sa fetal position mula sa sinapupunan, kaya patuloy ito hanggang pagkapanganak at habang lumalaki. Mas ligtas ang pakiramdam ng mga sanggol kapag nakabalot o naka-swaddle.

Ligtas nga ba ang pagtulog ng nakadapa?

Magsisimulang magpaikot-ikot ang iyong sanggol sa edad na 4 na buwan. Walang problema kung kusa siyang iikot o dadapa kapag natutulog, basta't siguraduhin na walang suffocation hazard (mga nabanggit sa itaas) sa kaniyang kama o crib.

Ang pagpapatulog sa sanggol ng pahiga muna, ay para maiwasan ang Sudden Infant Death Syndrome (SIDS). Mahirap pilitin ang bata minsan, pero kailangang pagtiyagaang gawin.

At kung marunong na talagang dumapa sa kaniyang paglaki, hindi na kailangang bantayan ito. Hayaan lang sa kaniyang pagtulog at sabayan na lang siya sa pagpapahinga.

Natutulog ang toddler ko ng nakatuwad. Okay lang ba ito?

Mas aktibo kasi ang mga toddlers kaysa sa babies. Ito ang edad kung saan nagkakaron na silang mga panaginip—may masaya, at mayron ding nakakatakot o nightmare. Kaya naman malikot na sila sa pagtulog.  Dapat pa ring simulan ang tulog nang nakahiga. Kung malikot na ang bata at nagpapaikot-ikot at dumadapa na, siguraduhing hindi siya mahuhulog sa kama, walang laruan, kumot, o unan na makaka-suffocate sa kaniya. Kung maaari nga, ilapag ang kutson o mattress sa sahig at paligiran siya ng unan para siguradong hindi ito mababagok sa pagkahulog.

Wala naman talagang downside sa pagpapatulog kay baby ng "bottoms up"! Basta't proactive at sisiguraduhing ligtas ang tinutulugan niya.

 

Isinalin mula sa wikang Ingles ni ANNA SANTOS-VILLAR
https://sg.theasianparent.com/babies-sleeping-positions/

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!