8 home remedies kapag hindi natunawan

lead image

Mga gamot sa indigestion na abot-kamay lang sa inyong bahay.

Gamot sa hindi natunawan ba ang hanap mo? May mga maari kang inumin sa loob ng inyong bahay na hindi mo na kailangan pang bilhin sa botika.

Indigestion

Ang indigestion o hindi pagkatunaw ng pagkain sa tiyan ay madalas na nararanasan ng marami sa atin. Ito ay dahil napasobra o napabilis ang ating pagkain.

Bagamat ang indigestion ay hindi isang sakit, ito ay maaring sintomas ng gastrointestinal problems gaya ng ulcer, gastritis at acid reflux.

Ang mga sintomas ng indigestion ay mabigat na pakiramdam sa tiyan pagkatapos kumain, pananakit ng tiyan o burning sensation sa itaas na bahagi ng tiyan.

Maaring gawing gamot sa hindi natunawan o indigestion ang mga sumusunod na home remedies:

gamot sa hindi natunawan

Image from Freepik

Gamot sa hindi natunawan o indigestion

1. Peppermint tea

Maliban sa pagiging breath freshener, ang peppermint tea ay mabisa ring gamot sa hindi natunawan. Ngunit ito ay hindi dapat inumin o kainin ng may mga acid reflux, GERD at ulcer dahil mas palalalain ng peppermint ang sintomas nito.

Ang pag-inom ng isang tasang peppermint tea pagtapos kumain ay makakatulong maibsan ang sintomas ng indigestion. Magandang ideya rin ang pagtatago ng peppermint candy sa iyong bulsa na puwede mong kainin para makaiwas sa indigestion.

2. Chamomile tea

Ang chamomile tea ay kilala bilang pampakalma at pampatulog. Ngunit, maliban dito ang chamomile tea ay nakakatulong rin para maibsan ang discomfort na dulot ng indigestion. Ito ay sa pamamagitan ng pagbawas ng mga acid sa ating gastrointestinal tract.

Isa rin itong anti-inflammatory na tumutulong para mapigilan ang pagsakit ng tiyan.

Ngunit bago uminom nito ay dapat magpakonsulta sa doktor lalo na kung umiinom ng blood thinner. Dahil ang chamomile ay may taglay na ingredient na isang anticoagulant na maaring magdulot ng pagdurugo kapag naihalo sa blood thinner.

Para gawing gamot sa hindi natunawan, magpakulo lang ng isa o dalawang chamomile teabags sa loob ng sampung minuto. Ilagay sa tasa, lagyan ng honey at inumin.

3. Apple cider vinegar

Tulad ng sobra, ang kokonting stomach acid rin ay maaring magdulot ng indigestion, at ang pag-inom ng apple cider vinegar ay makakatulong para madagdagan ang produksyon nito.

Maglagay lang ng isa o dalawang kutsarita ng raw, unpasteurized apple cider vinegar sa isang tasang tubig at inumin. Maari ring uminom ng mixture 30 minutes bago kumain para maiwasan ang indigestion.

Ngunit kailangang tandaan na ang sobrang pag-inom ng apple cider vinegar ay maaring magdulot ng tooth erosion, nausea, throat burn, at low blood sugar.

4. Luya

Isa pang mabisan gamot sa hindi natunawan ay ang luya dahil binabawasan din nito ang acid sa tiyan.

Uminom ng isang tasang ginger tea para maibsan ang sintomas ng indigestion. Maari ding sumubo ng ginger candy o gumawa ng ginger water. Magpakulo lang ng isa o dalawang piraso ng luya sa apat na tasang tubig. Lagyan ng lemon o honey bago inumin.

Tandaan lang na ang sobrang consumption ng luya na lagpas sa 3-4 grams per day ay maaring magdulot ng gas, throat burn at heart burn.

5. Fennel seed

Ang fennel seed ay isa ring mabisang gamot sa hindi natunawan. Ginagamot rin nito ang mga gastrointestinal problems gaya ng stomach cramping, nausea at bloating.

Maglagay lang ng kalahating kutsarita ng fennel seed sa tubig at hayaan itong kumulo ng sampung minuto bago inumin. Maari rin itong nguyain bago kumain para makaiwas sa indigestion.

6. Baking soda

Nakakatulong naman ang baking soda para i-neutralize ang stomach acid at ma-relieve ang indigestion.

Ihalo lang ang ½ teaspoon ng baking soda sa 4 ounces ng tubig at inumin. Inumin kung kinakailangan ngunit hindi dapat bababa sa dalawang oras ang pagitan mula sa unang pag-inom.

7. Lemon water

Ang alkaline effect ng lemon water ay nag-neutralize ng stomach acid at ini-improve ang indigestion.

Maghalo lang ng isang kutsarang lemon juice sa mainit o maligamgam na tubig at inumin bago kumain.

Gayunpaman, ang sobrang lemon water ay masama rin sa ating katawan dahil maari nitong tanggalin ang mga enamel sa ngipin at nagdudulot ng madalas na pag-ihi.

8. Licorice root

Ang licorice root naman ay mahusay na pampakalma sa muscle spasms at inflammation sa gastrointestinal tract na nagdudulot ng indigestion.

Ngumuya lang ng licorice root o kaya naman ay ihalo ito sa kumukulong tubig at inumin kapag bahagyang lumamig na. Gawin ito 30 minutes bago o pagkatapos kumain para maibsan ang indigestion.

Tandaan lang na hindi dapat sumobra sa 2.5 grams ng licorice root ang macoconsume sa loob ng isang araw. Dahil ito ay maaring magdulot ng sodium at potassium imbalances pati narin ng high blood pressure.

Samantala, kung ang indigestion ay nagpatuloy pa ng lagpas sa dalawang linggo ay dapat ng kumonsulta sa doktor. Lalo na kung makakaramdam ng mga sumusunod na sintomas:

  • weight loss
  • sever pain
  • loss of appetite
  • vomiting
  • black stools
  • trouble swallowing
  • fatigue

 

Source: Healthline

Basahin: 10 natural home remedies para sa pagtatae

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner