10 mabisang halamang gamot para sa iba't ibang sakit

10 mabisang halamang gamot para sa iba't ibang sakit

Narito ang mga halamang gamot na maaring gamot na sa iyong karamdaman.

Halamang gamot ang nakasanayan ng inumin ng mga Pilipino bilang lunas sa iba’t-ibang karamdaman. Maliban sa ito ay mura at makikita lang sa bakuran ay wala itong kemikal na maaring magdulot ng side effect sa ating katawan.

Narito nga ang ilang halamang gamot na epektibong panlaban at lunas sa iba’t-ibang uri ng karamdaman.

mga halamang gamot

Image from Freepik

Mga halamang gamot sa Pilipinas
1. Bawang

Hindi lamang nagpapasarap ng pagkain, ang bawang ay isa ring halamang nakakagamot ng iba’t-ibang sakit.

Ayon sa pag-aaral, ang bawang ay mabisang panlaban sa mga bacteria gaya ng Salmonella at E.coli. Ito rin ay itinuturing na gamot sa multi-drug resistant tuberculosis.

Mabisa rin itong panlaban sa sipon, sinus, congestion at diarrhea. May mga pag-aaral ring nagsasabing ang regular na pagkain nito ay nakakababa ng blood pressure.

Para gamitin ito bilang halamang gamot ay kumain ng isa o dalawang butil nito araw-araw.

2. Honey

Mula pa noong unang panahon, ang honey ay ginagamit na bilang panglunas sa mga sugat at pang-iwas sa mga impeksyon.

Sa isang 2016 study ay natuklasan ding mabisa itong panggamot sa mga chronic wounds, burns, ulcers, bedsore at skin grafts. Ayon naman sa isang 2011 study, ang honey ay kayang pigilin ang pagdami ng 60 kinds ng bacteria dahil sa taglay nitong antibacterial properties.

Ginagamot naman nito ang mga sugat sa pamamagitan ng paglalagay ng protective coating laban sa mga bacteria. Maliban nga sa mabilis na pagpapagaling sa mga sugat ay mabisa din itong gamot sa sore throat, gastric ulcers, digestive disorders, ubo at skin problems gaya ng acne.

Ngunit dapat tandaan na hindi ligtas na ibigay ang honey sa mga sanggol na isang gulang pababa. Dahil sa hindi pa kaya ng kanilang murang tiyan ang mga bacteriang taglay ng honey na maaring makasama sa kanila.

Para gamitin bilang halamang gamot ay maari itong inumin o kaya naman ay ihalo sa tsaa o pagkain. Para naman magamot ang sugat ay maari itong i-apply ng deretso sa apektadong parte ng katawan.

3. Luya

Ang luya ay isa ding mabisang halamang gamot sa mga sakit. Ito ay itinuturing ng scientific community bilang isang natural antibiotic.

Isang 2017 study ang nagpakita at nagpatunay ng kakayahan ng luya na labanan ang maraming strains ng bacteria. May mga pag-aaral ring isinasagawa para mapatunayan ang effectivity nito sa pagbibay lunas sa seasickness, nausea, upset stomach at pagpapababa ng blood sugar levels.

Ang luya ay mabisang panlunas rin sa sintomas ng sipon at trangkaso. Para gamitin bilang halamang gamot ay magpakulo ng pinitpit na luya sa dalawang tasang tubig at inumin araw-araw.

4. Oregano

Isa pang halamang gamot na pinaniniwalang gamot sa ubo ng matatanda ay ang oregano.

Ang oregano ay may taglay na anti-inflammatory properties at isa ring antioxidant. May iba namang nagsasabi na ang oregano ay nakatutulong para palakasin ang ating immune system.

Bagamat hindi pa napapatunayan ang mga ito, may ilang pag-aaral namang nagsasabing ang oregano ay mabisang uri ng natural antibiotics lalo na kung ito ay ginawang oil.

Maliban sa oil form, ang oregano ay maaring gamitin bilang halamang gamot sa pamamagitan ng pag-inom ng katas mula sa pinigang dahon nito na hinalo sa maligamgam na tubig.

5. Catnip

Ang catnip ay isa ring halamang gamot na makikita lamang sa ating bakuran. Pinaniniwalaang nakakagamot ito ng sirang tiyan, nakakatanggal ng anxiety at tension.

Para gamitin bilang halamang gamot ay magpakulo ng apat o limang dahon nito sa isang tasang tubig. Salain at inumin ng isa o dalawang beses sa isang araw.

6. Ginseng

Ang ginseng naman ay halamang gamot na nakakapawala ng mental at physical fatigue. Nalulunasan rin nito ang lala ng sipon at pinaniniwalaang nakakatulong sa mga lalaking mayroon erectile dysfunction.

Para gamitin bilang halamang gamot, ay magpakulo ng 1tsp na pinatuyong ugat nito sa isang tasang tubig sa loob ng sampung minuto. Salain at inumin ng isa hanggang dalawang tasa kada araw.

7. Tanglad

Ang tanglad o lemongrass ay isang mabangong damo na ginagamit rin bilang pangtanggal ng lansa o amoy ng pagkain.

Pinaniniwalaan ring isa itong mabisang halamang gamot sa iba’t-ibang karamdaman gaya ng sumusunod: pagtatae, pananakit ng ngipin, hirap sa pag-ihi, pananakit ng sikmura, pananakit ng likod, rayuma, altapresyon at sakit ng ulo.

Para gamiting halamang gamot ay magpakulo ng dahon o ugat nito at inumin.

8. Bayabas

Ang bayabas ay hindi lamang masarap na prutas na paborito ng maraming Pilipino. Isa rin itong mabisang halamang gamot lalo na sa mga kati at sugat sa katawan.

Ang pinakulong dahon ng bayabas ay pinaniwalaang mabisang gamot sa sugat na dulot ng tuli at panganganak. Gamot din daw ito sa ulcer, rayuma, namamagang gilagid, pagtatae at hirap sa pagdumi.

9. Kalamansi

Isa pang masustansiyang prutas at pampalasa sa pagkain na halamang gamot rin ay ang kalamansi.

Ang juice nito ay pinaniniwalaang nakakagamot ng ubo, sipon, altapresyon at pati na sa taghiyawat at pangingitim ng balat. Pigain lang ang katas ng prutas nito at ihalo sa tubig at inumin.

10. Guyabano

Ang guyabano ay isa pang prutas na paborito nating mga Pilipino. Maliban sa masarap at nutrients na taglay ng prutas nito ay mabisa rin itong halamang gamot sa iba’t-ibang sakit.

Mabisa ito umanong gamot sa pagtatae, pamamanas ng paa, eczema, rayuma, at sipon. May mga pag-aaral ring nagsasabi na mabisa ang katas ng bunga nito sa pagpigil ng pagkalat ng kanser sa katawan.

 

Ilan lamang ito sa mga halamang gamot na matatagpuan dito sa Pilipinas. Marami pang ibang halaman ang nasa paligid natin na mabisa at maaring sagot na sa karamdamang matagal na nating iniinda.

Tandaan: Kung nakakaramdam ng sakit, huwag mag-atubiling kumonsulta sa duktor. Hindi pamalit ang mga nasabing halamang gamot para sa inireseta ng duktor.

 

Source: Medical News Today, Healthline, Prevention.com, Kalusugan.ph
Photo: Freepik, Dominik Martin on Unsplash

Basahin: Mga home remedies para sa ubo na hindi kailangan ng gamot

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner