Spotting: Ano ang ibig sabihin ng pagdudugo sa buntis?

Spotting: Ano ang ibig sabihin ng pagdudugo sa buntis?

Marami ang nababahala na nanay kapag nakaranas sila ng spotting sa pagbubuntis. Ngunit bakit nga ba ito nangyayari at dapat bang ikabahala? | Lead image from iStock

Spotting sa pagbubuntis, narinig niyo na ba ito, moms? Karamihan sa atin na kinakabahan agad kapag nakakakita ng dugo na lumalabas sa ating katawan. Ngunit paano pa kaya kapag buntis si mommy at bigla itong dinugo? Doble ang kaba at pag-alala sa kanila!

Ano ang spotting sa pagbubuntis?

Ang spotting sa pagbubuntis ay normal at kadalasang nararanasan ng ating mga preggy moms. Ngunit hindi ibig sabihin ay kailangan na itong ipagsawalang bahala dahil hindi lahat ay ganito ang sitwasyon. May iba na senyales na pala ito ng seryosong komplikasyon at kung hindi maagapan, maaaring maging banta sa kaligtasan ni baby sa tiyan.

Narito ang mga rason kung bakit dinudugo ang babae habang siya ay buntis.

spotting sa pagbubuntis

Ano ang spotting sa pagbubuntis? | Image from Unsplash

1. Implantation bleeding

Hindi lahat ng babae ay nakakaranas ng implantation bleeding. Ngunit kung ikaw ay dinugo, maaaring isa itong senyales ng pagbubuntis sa unang mga buwan. Nangyayari ang implantation bleeding kapag ang embryo ay pumupunta sa pader ng iyong uterus.

Kadalasang light pink o dark brown ang dugong lumalabas sa ‘yo rito. Hindi mo na kailangang gumamit ng sanitary pad dito dahil hindi naman ito malakas at kusa na lamang nawawala.

2. Ectopic pregnancy

Isa sa sintomas ng ectopic pregnancy ay mahina hanggang sa malakas na pagdurugo. Ito ay nangyayari kapag ang fertilized egg ay nasa labas ng uterus. Maaaring maranasan din ang ibang sintomas katulad ng:

  • Panghihina
  • Pagkahilo
  • Pananakit ng balakang
  • rectal pressure

Kung sakaling nakakaranas ka nito sa iyong pagbubuntis, ipagbigay alam agad sa iyong doktor.

3. Pregnancy loss o miscarriage

Miscarriage o pregnancy loss. Ito na yata ang pinakakinatatakutan na trahedya ng ating mga nanay sa kanilang pagbubuntis. Walang magulang ang nais mawala ang kanilang pinakamamahal na anak. Ang pagdudugo ay isang karaniwang sintomas ng pregnancy loss na sinasamahan ng pananakit ng balakang.

Narito pa ang ilang sintomas ng miscarriage na KAILANGAN mong bantayan:

  • Pananakit ng likod
  • Paglabas ng tissue sa iyong ari
  • Pagbaba ng timbang
  • Paglabas ng puting mucus
  • Contractions

Kinakailangang magpatingin agad sa iyong doktor kung maranasan ang mga sintomas na ito para magkaroon ng agarang lunas ito at hindi tuluyang maging delikado.

spotting sa pagbubuntis

Ano ang spotting sa pagbubuntis? | Image from Unsplash

4. Placenta previa

Malaki ang ginagampanang role ng placenta sa baby dahil ito ang nagsisilbing buhay ng fetus sa loob ng sinapupunan ng ating mga mom. Ang placenta ang kumukonekta sa blood vessels ng sanggol at nanay. Sa blood vessels dumadaan ang lahat ng ingredients na kinakain ng nanay at diretso itong dumadaloy sa placenta patungo sa baby. Kinakailangang tutukan ang mga nanay na may placenta previa.

5. Pagbabago ng cervix

Habang lumalaki si baby sa iyong tiyan, lumalaki rin ang iyong lining ng cervix at ito ay nagiging sensitibo. Kaya naman asahan ang pagdudugo lalo na pagkatapos magtalik. Mas mabuting itanong ng personal sa iyong doktor ang mga rason ng iyong spotting sa pagbubuntis.

Mga pagkain na nagdudulot ng pagkalaglag ng sanggol o miscarriage

Narito ang mga pagkaing maaaring magdulot ng pagkakunan:

1. Kape at iba pang caffeinated drinks

May ibang doktor na nagsasabing okay lang na uminom ng black coffee, tea at soft drink ang isang buntis. Ngunit tandaan, ito ay hindi pwede sa lahat. Kung ang iyong pagbubuntis ay sensitive, mas makakabuti kung iwasan mo muna ang mga caffeinated drinks.

Kung ang iyong doktor naman ay binigyan ang approval na uminom ng kape o tea sa isang araw, laging isaisip lamang na ang caffeine ay diuretic. Ibig sabihin ay madaling makapagpalabas ng fluid sa iyong katawan. Kaya mas mabuting uminom ng maraming tubig para na rin mapunan nito ang mga fluid na nilababas dahil sa caffeine.

2. Madumi at hindi hugas na pagkain

Ugaliing hugasan ang mga pagkaing ihahain. O kaya naman lutuin ito ng mabuti. Hindi ito namamalayan ng lahat ngunit may masamang epekto din sa pagbubuntis ng isang babae ang hindi hugas o hundi lutong pagkain.

3. Raw food

Kung nakasanayan mo na ang pagkain ng hilaw na pagkain katulad ng sushi, mas mabuting itigil mo muna ito ngayong nagbubuntis ka. Ang pagkain rin ng sashimi o medium rare na karne ay sagana sa bacteria at toxins na maaaring makuha ng iyong baby.

Mabuti kung itigil muna ang pagkain nito para maiwasan ang makunan.

spotting sa pagbubuntis

Ano ang spotting sa pagbubuntis? | Image from Unsplash

4. Raw egg

Maraming pagkain ang kalahok ay hilaw na itlog. Ngunit alam mo ba na ito ay maaaring sanhi ng salmonella? Ang mga sintomas nito ay pananakit ng tiyan at pagtatae. Kapag nakaramdam ka na parang may iba sa tiyan mo, hindi maaalis sa isang buntis ang makaramdam ng stress o pagkabahala.

Iwasan na ang hilaw na itlog na maaaring makapagdulot ng salmonella.

5. Isda na may mataas na mercury content

May benefits sa isang buntis ang pagkain ng isda. Maaari kasi itong matulungan ang isip ng iyong bata lalo na kung ito ay may omega-3 na sangkap. Ngunit hindi maitatanggi na may mataas na mercury ang content ang isda na makakasama sa isang pagbubuntis.

Ayon sa Mayo Clinic, ang partikular na isda ang dapat iwasan ay ang mga malalaking isda, king mackarel o tile fish.

 

Source:

Kidspot, Healthline

BASAHIN:

Anong dapat kong gawin pagkatapos ng miscarriage?

Discharge ng buntis: Dapat nga bang ikabahala ito?

Paano kakausapin ang iyong asawa pagkatapos makaranas ng stillbirth o miscarriage?

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Mach Marciano

Article Stories
app info
get app banner