Alamin ang pinakamagandang oras para uminom ng vitamins

lead image

Halos lahat ay umiinom ng vitamins araw-araw. Alamin ang oras sa pag-inom ng vitamins base sa mabuting epekto na naidudulot nito sa ating katawan

Halos lahat ay umiinom ng vitamins araw-araw. May iba pa nga na higit sa isa ang iniinom dahil sa iba't ibang naitutulong nito sa katawan. Ngunit, hindi lahat ng klase ng vitamins ay pare-pareho ang paraan ng pagtanggap ng ating mga katawan. Ang pag-inom ng vitamins sa tamang oras ay ang makakapagpalakas ng maitutulong nito sa ating katawan. Alamin ang pinakamagandang oras para uminom ng vitamins base sa layunin nito.

Alamin ang tamang oras sa pag-inom ng vitamins

Vitamins A, D, E at K

Ang mga vitamins na ito ay kinikilala bilang fat-soluble vitamins. Natutunaw ang mga ito sa katawan gamit ang mga fats. Matapos matunaw, dumadaloy ito sa ating mga dugo upang isagawa ang kanilang layunin sa ating katawan. Ang mga sobra ay napupunta sa ating mga atay.

Ang pinakamagandang oras para uminom ng vitamins na ito ay kasabay ng hapunan. Mainam na isabay ito sa mga pagkain na may saturated fats o oils upang mas ma-absorb ng inyong katawan.

Vitamins B, C at folic acid

Ito ay ang mga water-soluble vitamins. Natutunaw ang mga ito sa tubig at nasasama sa ihi ang labis na natatanggap ng katawan. Kinukuha lamang ng katawan ang sapat na dami na kakailanganin nito. Dahil walang naiiwan sa katawan, makakabuting inumin ito araw-araw.

Ang pinakamabisang oras sa pag-inom ng mga vitamins na ito ay 30 minuto bago kumain. Upang talagang ma-absorb ng katawan, makakabuting uminom nito agad pagkagising sa umaga bago mag-almusal. Kung nalimutan o kulangin sa oras, maaari parin uminom nito isa hanggang dalawang oras matapos kumain.

Iron

Ang iron ay mas naa-absorb ng katawan kapag wala pang laman ang tiyan. Dagdag pa dito, nahihirapan tanggapin ng katawan ang iron matapos uminom ng gatas. Makakabuti na uminom ng iron kasabay ng inumin na may Vitamin C.

Vitamins para sa mga buntis

Ang mga vitamins para sa mga buntis, o prenatal vitamins, ay kadalsang naglalaman ng calcium, iron, at folic acid. Para sa ilang ina, ang pag-inom ng prenatal vitamins kasabay ng pagkain ay nagdudulot ng pagkahilo at constipation. Ito ang dahilan kung bakit masmaganda na inumin ang mga ito nang wala pang laman ang tiyan.

Kung ang tila nagkakasakit sa pag-inom nito paggising sa umaga, maaaring subukan na inumin ito bago matulog sa gabi. Ang mahalaga ay uminom nito araw-araw.

 

May ilang vitamins na maaaring magdulot ng side-effects sa katawan o kaya naman ay hindi maaaring inumin kasabay ng iba pang vitamins. Isang halimbawa dito ay hindi maaaring uminom ng Vitamin K kasabay ng pampalabnaw ng dugo.

Mahalaga rin na sundin ang inirerekumendang tamang dosage ng vitamins na kailangan ng katawan lalo na kung buntis. Kung alam na kakailanganin ng iron, imbes na dalawa ang inumin na prenatal vitamins, makakabuting dagdagan ng iron supplement ang mga iniinom. Ang pag-doble ng dosage ng Vitamin A ay maaaring maka-apekto sa kalusugan ng baby.

Ang mga vitamins ay ginawa upang makatulong sa kalusugan. Subalit, hindi rin maganda kung sumobra ito sa katawan.

Basahin din: Mga vitamins na dapat inumin ng buntis

Source: Healthline

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner